კონფიდენციალურობის პოლიტიკა

ეს პოლიტიკა განმარტავს, რა პერსონალურ მონაცემებს ვაგროვებთ mekise.ge-ზე, რისთვის ვიყენებთ, ვის ვუზიარებთ და რა უფლებები გაქვთ. მონაცემებს ვამუშავებთ საქართველოს კანონის „პერსონალური მონაცემების დაცვის შესახებ“ შესაბამისად.

1. ვინ ვართ

მონაცემთა დამმუშავებელია ი/მ ზურაბ გოგია, რომელიც საქმიანობს ბრენდით MEKISE (შემდეგში „MEKISE“, „ჩვენ“).

კონტაქტი, მათ შორის პერსონალურ მონაცემებთან დაკავშირებული მოთხოვნებისთვის:

• მეილი: info@mekise.ge
• ტელეფონი: +995 501 100 506

2. რა მონაცემებს ვაგროვებთ

შეკვეთისას: სახელი და გვარი, ტელეფონის ნომერი, მეილი, მიწოდების მისამართი (ან ფოსტის განყოფილება რეგიონებში), შეკვეთის შინაარსი და თანხა.

გადახდისას: ბარათის მონაცემებს ჩვენ არ ვხედავთ და არ ვინახავთ. გადახდას უშუალოდ ბანკის დაცული გვერდი ამუშავებს. ჩვენამდე მხოლოდ ინფორმაცია მოდის, გადახდა შედგა თუ არა.

მეილზე გამოწერისას: მეილის მისამართი. მას ვაგროვებთ მხოლოდ მაშინ, როცა ცალკე მონიშნავთ თანხმობას.

როცა დაგვიკავშირდებით (მეილით, ტელეფონით ან სოციალურ ქსელში): ის ინფორმაცია, რასაც თავად მოგვწერთ.

საიტის გამოყენებისას: ტექნიკური მონაცემები ქუქი-ფაილებისა და მსგავსი ტექნოლოგიების მეშვეობით (იხ. მე-7 პუნქტი).

3. რისთვის ვიყენებთ მონაცემებს

• შეკვეთის მისაღებად, დასადასტურებლად, მისაწოდებლად და თქვენთან დასაკავშირებლად. საფუძველი: ხელშეკრულების შესრულება.
• დაბრუნების, გაცვლისა და თანხის დაბრუნების პროცესისთვის. საფუძველი: ხელშეკრულების შესრულება და კანონისმიერი ვალდებულება.
• საბუღალტრო და საგადასახადო აღრიცხვისთვის. საფუძველი: კანონისმიერი ვალდებულება.
• სიახლეებისა და შეთავაზებების მეილზე გასაგზავნად. საფუძველი: თქვენი თანხმობა.
• საიტის სტატისტიკისა და რეკლამის ეფექტიანობის გასაზომად. საფუძველი: თქვენი თანხმობა ქუქი-ბანერში.

4. ვის ვუზიარებთ მონაცემებს

მონაცემებს არ ვყიდით. ვუზიარებთ მხოლოდ იმდენს, რამდენიც საჭიროა:

• ბანკებს (სს „საქართველოს ბანკი“, სს „თიბისი ბანკი“) ბარათით გადახდის დასამუშავებლად და გადარიცხვის დასადასტურებლად.
• მიწოდების პარტნიორებს: თბილისში დამოუკიდებელ კურიერს, რეგიონებში სს „საქართველოს ფოსტას“. მათ გადაეცემათ სახელი, ტელეფონი და მისამართი.
• ანალიტიკისა და რეკლამის სერვისებს (Google Analytics, Meta Pixel), მხოლოდ ქუქი-ბანერში თქვენი თანხმობის შემთხვევაში. ეს კომპანიები შეიძლება მონაცემებს საქართველოს ფარგლებს გარეთ ამუშავებდნენ.
• სახელმწიფო ორგანოებს, როცა ამას კანონი მოითხოვს.

5. რამდენ ხანს ვინახავთ

• შეკვეთისა და გადახდის ჩანაწერებს ვინახავთ იმ ვადით, რასაც საბუღალტრო და საგადასახადო კანონმდებლობა ითხოვს. ამ ვადის შემდეგ ვშლით.
• გამოწერის მეილს ვინახავთ, სანამ გამოწერას არ გააუქმებთ.
• მიმოწერას ვინახავთ, სანამ საკითხი არ მოგვარდება და საჭიროება არ გაქრება.

6. თქვენი უფლებები

უფლება გაქვთ:

• გაიგოთ, რა მონაცემებს ვამუშავებთ თქვენ შესახებ და მიიღოთ მათი ასლი;
• მოითხოვოთ არაზუსტი მონაცემების გასწორება;
• მოითხოვოთ მონაცემების წაშლა ან დამუშავების შეზღუდვა, თუ ჩვენ არ გვაქვს მათი შენახვის კანონისმიერი ვალდებულება;
• ნებისმიერ დროს გაიხმოთ თანხმობა. მეილზე გამოწერის გაუქმება შეგიძლიათ ყოველი წერილის ბოლოს არსებული ბმულით ან info@mekise.ge-ზე მოწერით, ქუქი-თანხმობის შეცვლა კი საიტის ფუთერში „ქუქი-პარამეტრებით“;
• საჩივრით მიმართოთ პერსონალურ მონაცემთა დაცვის სამსახურს (personaldata.ge).

მოთხოვნა გამოგვიგზავნეთ info@mekise.ge-ზე. გიპასუხებთ კანონით დადგენილ ვადაში.

7. ქუქი-ფაილები

ქუქი არის პატარა ფაილი, რომელსაც საიტი თქვენს ბრაუზერში ინახავს.

• აუცილებელი: საჭიროა საიტის მუშაობისთვის, მაგალითად კალათისა და ქუქი-არჩევანის დასამახსოვრებლად. თანხმობას არ საჭიროებს.
• ანალიტიკური (Google Analytics): გვიჩვენებს, როგორ იყენებენ ვიზიტორები საიტს. ირთვება მხოლოდ თანხმობის შემდეგ.
• სარეკლამო (Meta Pixel): გვეხმარება Instagram-სა და Facebook-ზე რეკლამის შედეგების გაზომვაში. ირთვება მხოლოდ თანხმობის შემდეგ.

არჩევანის შეცვლა ნებისმიერ დროს შეგიძლიათ ფუთერში „ქუქი-პარამეტრებით“.

8. უსაფრთხოება

მონაცემებს ვიცავთ გონივრული ტექნიკური და ორგანიზაციული ზომებით: საიტი მუშაობს დაცულ (HTTPS) კავშირზე, მონაცემებზე წვდომა კი მხოლოდ იმას აქვს, ვისაც შეკვეთის შესასრულებლად სჭირდება.

9. ცვლილებები

პოლიტიკის ცვლილებისას ახალ ვერსიას ამ გვერდზე გამოვაქვეყნებთ და ზემოთ განახლების თარიღს შევცვლით.